براسانی دیوانجاه
این وبلاگ هیچ گونه گرایش سیاسی نداشته و یک مکان آزاد می باشد (شعر ، داستان ، عکس ، مطلب و مقاله (بلوچی و فارسی)) . 
نويسندگان

الله تعالیٰءَ انسانانی میانجیءَ مات ءُ پتءَ را مزنېں عزت و شرف داتگ، چہ الله و رسولءِ حق ءُ پد، ماتءُ پتءِ حق سک زیاده إنت. اگہ کسّے ماتءُ پتءِ حقءَ مزانت، گڈا آئیءِ جاه دوزخ إنت. قرآنءُ حدیثاں اېشیءِ در گتءَ باز باز زۏر دیگ بیتگ تانکہ انسان وتا را اشانی حقاں چے دور مداریت، چہ دوزخءَ بہ بچّیت. برېں ماتءُ و پتءِ حقانی توکا ماتءِ‌حق سہ همک گېشتر إنت؛ پر چہ کہ جنّت ماتءِ قدمانی چېرا إنت، پتءِ قدمءِ چېرا نہ إنت.

انچۏش کہ ماتءِ حق زیاده إنت، بزاں ماتی زبانءِ‌ حق هم تئی سرا دو سر زیاده إنت. کسّے ماتءِ حقاں زانت، گڑا آئیءَ الّمی اے گپ زانگ لۏٹیت کہ آئی سرا ماتی زبان بزاں بلۏچی زبانءِ حق ادا کنگ ضروری إنت. هر کس زانت کہ اگاں من ماتی حق ادا نہ کرت، واجهېں الله قیامتءِ رۏچءَ جُست کنت؛ اگہ من حق ادا نہ کرت، تو منی دوا لٹ أنت. تو الله تئی ماتءَ را جست بکنت کہ تئی زبانءِ حق تئی چگا ادا نہ کت، تو چے گوشے؟

مات ضرور پَدردیگ بیت، همېش گوشیت کہ منی پیدا کرتگېں الله پاک! اے بچہ کہ منی زبان دۏست نہ بوت، من اشیءَ را وتی زهگ نہ لیکاں. گڑا زانېں الله من و تئی گۏماں چے کنت.

اے گپ هر کسا را زانگ لۏٹیت ءُ اگہ نزانت پدا هم گۏشانءَ پچ بکنتءُ شری سرا گۏش بداریت کہ آئیءِ دوا (سزا) لٹ إنت. منی هیالاں شما شریءِ سرپد بوتگے. نوں بیائېت چۏش بزانېت: بلۏچی ماتی زبان اچ ما را چیزے دل مانگنتءُ چیزے لۏٹاگائنت تانکہ ماتءِ حق ادا ببیت.

من انگریزی، اردو، پارسی و عربی ونتگۏں. اشانی خاطرءَ منی ماتءُ پتءَ براساں یا ناکوءَ یا پیرکءَ ٹیکس (فیس) داتگنت. تو هم ونتہ یا وانگاهے زاناں تو هچی نہ داتگ یا نہ دېگائے ترا، منا وتی ماتی زبانے هچ فکرے نېست. زاناں ما وتی ماتی زبانے حقاں بے حال کرتگ، تو چۏ پرچا لگۏرے. اے وڑا ترا ءُ منا اے دگنیایا نقصان إنت ءُ قیامتءَ اشیءَ چہ زیاده نقصان بوگ خطره إنت. آ دنیائے نقصان پر تو باز گراں کپیتت. تو گڑا وتا را پر چہ چۏش کرتگ. زاناں شپ کئیت ترا شام (شپے نان) نہ بیت، خدا چۏش مکنت تو منا سک دۏست بئے، پمشکہ من ترا توارءُ کوکار جنگاؤں. تو لۏٹے کہ مئی و تئی بوجیگ ببڈیت (غرق) تو پدا گوشے منا وَ کسءَ حال نہ داتگ، من ضرور چیزکے کرتگے تا قیامتءَ رۏچ من چہ شرمندگیءَ ببچّاں. بیا ترا من سۏج دیان، تو اے بزگېں ماتی زبانءِ‌خاطرا وتی لانکءَ ببندءُ اشیءِ واسطہ کار بکن. ترا الله اے جهانءَ و آ جهانءَ جزاءِ خیر دنت.


تو منءَ تی زبان بلۏچیءِ خدمتءَ‌ دو نمونہ (وڑا) کرت کنېں. اگہ تو وتا را اے کارانی توکا یکیءِ‌گۏما بهر زرت، بزاں تئی کامیابی تئی پادءِ چېرا بیت. واجہ خدا مئی گۏماں سک وش بیت، اللهءُ مات وش بنت، تئی جاه جنّت بیت.

۱ـ اگہ تو زر دارے ترا الّمی إنت که زبانءِ شنگ کنگا وتی زرءَ خرج بکنت. تئی و منی مات زبانءِ شنگ کنگا باز خوش بیت. بچار وهدے کہ تو جاگهے (ڈن)ءَ روے ترا مردم جست کننت واجہ تئی زبان چے إنت؟ تو گوشے: واجہ بلۏچی إنت و من بلۏچے آں، بزاں منی ماتی زبان بلۏچی إنت. اگہ کسّے وتی ماتی زبانءَ بدل بکنت، بزاں آئیءَ را وتی ماتءِ گۏماں دۏستی نېست، پمشکہ زبانءَ را بدل إش کرتگے.

۲ـ اگاں تئی کرا زر نېست، تو وت نبشتہ بکن آیانءَ پہ اخبارءُ رسالهان دېم بدئے، بچار مردم ترا چۏں دۏست دارنت.

اے رد گپتے نہ إنت کہ من بلۏچی نزاناں، ماتے لاپءَ وَ کس نزانت. تو وهدے اے کهوڑائِېں دنیاءَ أهتگے گڑا تو وتی ماتءَ پتءَ یا مزنېں سیادءُ وارثان جُست بکن تئی حالت اے وڑا أت یا تئی حالت دگہ وڑی أت؟ تئی مردم یا تئی ماس وت ترا گوشیت یا پسّۏ دینت کہ ودی بوگے وهدا تو کوں درا بوتگے، نہ زانتگ که پشکے گورا کنگ یا شلوارءِ پادا کنگ چۏن إنت!

منی براسءُ گهاراں! مئی و شمئی سرا الّمی فرض إنت که وتی ماتېں بلۏچی زبانءِ واسطہ هر چیز کہ مئی و شمئی دستءَ ءُ طاقتءَ ببیت وتا را هۏر بکنېں. پدا رندا اے گپءَ کس مگوشیت کہ منی وا هچ نزاناں چۏں بکناں. تو دگہ دنیائے کارانی توکا چۏں زبرے پر چہ آ تئی ذاتی غرضءَ مقصد إنتءُ ترا هنگتہ وتی واسطہ شپے نیمءَ ترا فایده ببیت. سجئېں شپءَ نندےءُ وابءَ‌حرام کنئے، گڑا تئی ماتی زباں بلۏچی انچۏش هم نہ کرزیت. اپسوز صد براں اپسۏز! پر تئی واسطہ اے خبر شاد نہ بیت کہ من بلۏچی نزاناں.

٭ پروفیسر الله داد بلۏچ (ڈگری کالج تربت)
(سرچمگ: ماهتاک سوغات سال ۱۱، تاک ۹)

[ یکشنبه ۱٦ بهمن ۱۳٩٠ ] [ ۱:۱۳ ‎ب.ظ ] [ عادل قنبرزهی ]
.: Weblog Themes By Iran Skin :.

درباره وبلاگ

امکانات وب
قرآن آنلاین

,,

اسما خداوند متعال