براسانی دیوانجاه
این وبلاگ هیچ گونه گرایش سیاسی نداشته و یک مکان آزاد می باشد (شعر ، داستان ، عکس ، مطلب و مقاله (بلوچی و فارسی)) . 
نويسندگان

میر قنبر

 

بیایت منی بیل ءُ یلان

زردِ مقیمین همبلان

و شاهی تبین دریا دلان

من سر ایمنی ءَ نشتگن

وتی پیرک بنندی جاهگان

هِچ گونگ معلوم نیان

شخصان که احوال دات من ءَ

بله جن ءُ نغیبین پریشتگان

که فوج چه سراوان چندتگ

از دزّک دورین دهان

برز بستگش مچ سورگان


مالش ملورانی جتگ

 

مئی سر گچینین کنگران

کور ءُ دهان مان دیان

سوچننت منی دشت ءُ دران

گوسکان گون تارین مادگان

میش گون شلنگ پادین بزان

سالونک گون چوتارین گدان

بانور گون رنگءُ آمران

و من جوز رتکگین هم دندران

بندی کته اُ ظالمان

کور باهو پشتی کته

درّا مزن زهم زن اد نهنت

و میرین حسن زندئ نهنت

زانان که باهو بی واجه نهنت

میشان گورگ ایر کنت

دانّ ،و،هپده سرءِ تاراج کنیت

قاصد تچانیگا شته

میر قنبری معلوم کته

تئی ناکوءِهلکش جته

زهر گپتگت لهری مزار

میر قنبر ءُ سبزین سگار

اُ شاباش غلام بورءَ بار

بیا رءُ بداری من پرءَ

جان شودی کن سیری ترا

زینئی،بله بدی بر پشت ونگ

کرش ءُ طلاهان سینه بند

دئ من دپَ لوهین لونگ

داشته غلام ءَ سر مچند

میر بور وان بیتّه بلند

برتی من مات ءِ میتگَ

تواری په کار دارَ کته

کاردار منی ماتَ بیار

در کپتگِنت ماتَُ گهار

مات منی ، مات مکهین

شیرانُون پهل کن شکّلین

من په مرا سر گپتگان

دَکان گون مهراب لرَ

زانان نترّان من و پدا

ماتَ جواب گردینتگت

اُ بچ منی چمّ چراگ

نین ، شیرت پهلین، اُ بچ منی

بی هارُ بندیگان تو میا

نئ،زهمءَ جنءُ نامءَ درار

نام تئی پت ءَ هم نوک بیت

و کبر پیرک ءِ همبوک بیت

بندی اتکگنت قنبر ، پدا

بیایت منی کلّ دپءَ

نی،گون من گوش و کندی کننت

مرک ءِ حکایتان کننت

من پیران که ورنا ئ بیان

نوکین سرءُ گواپی کنان

تئی موتک بدل هالو کنان

کبرِت په نازینک بران

تئی متّ من دو بر پیدا کنان

تواری په کار دارءَ کته

کاردار منی دوستا بیار

دوست چه کرّکین زار کنت

دوستی کرکّین هم نوا

بقّال سیم دوچین گدان

هنی چرین مور دانگان

گون در دپِ بچکندگان

جانان بله، دستی جتگ من کیسگا

سَئ تِک سهری کشتگ

اُ گل پری این شاه پری

بله نیست انت ترا نیک ءُ بدی

سهرانت تئی ،سهرانت تئی ، مهرانت تئی

در بو منی متّ ءَ بگر

راجءَ گچین یک واجهی

از من گِهُ گهتر ببیت

دوستءَ جتگ یک هیکَگی

اُ قنبر جان منءَ زایا مدی

هپت روچنت من تو سیر کته

سیرءِ گدان تئی پولنگ نه انت

نیمی گدان پشت کپتگن

سیرین مراد من ندیتگ انت

دستانی هنیگ و دور نه انت

قنبر و جواب گردینتگ

زانان ترا هِچّ نبیت

بله ، بزّگ بنت منی مات ُگهار

چندینگُ ماتی ستا

شیر شکّلین منا میچینتگ انت

در کپت سلیمان بزّکار

و دستی جتگ بور ِمهار

من چهکری ءَ نشتگین

میر ملکان دِگِر دنگ ورنت

میر ماتَ و جواب گردینتَگ

چئ بیت منی قنبر جور جفا

میر چند ینگ ءُ ماتِ ستا

من زهرین کرگ آپ داتَگنت

بی موسِمَ پاد آتکگنت

سال سرَ بر بو تگنت

چه همسرُکان گوستَگِنت

نیستنت بران نون لذتی

زانان گندَلی توکِی مریت

شیرِت حرامِنت منی مادر

اُ بابلو یه پت منی

کِر کن منی راه سرا

سر کوندات لگنت من دلَ

پر چی منءَ حق دار کنئ

چاری شتگ پر چارگءَ

دورین دِرِکِّ تابءُ پیچ

نزیک ترانت راهِ سِدیچ

بندان سِدیچَکِ کندگ ءَ

مهراب کَیت انت گون لشکرءَ

من چار هزار دانءِ سرا

من چلُ چار مردمن برزگءَ

تواری کتگ بور باهرین

نی ،توار کُت منی بور بارگین

واهر بو باورین هم بارگین

تنباکُ بنگان و بهر کنین

شرین سلاح کرت اِنت توار

آئی کئ انت منی راهِ سرا

قنبرو جواب دات هم بزّه کار

من قنبران تئی راه سرا

بلُّ وتی راهَ بگوز

نی ،شه رستم داتگ جواب

قنبر بزَّ کاری نئ انت

وبنت ءُ حصار ءِ هم واجه انت

بندان ءَ بیا جنین نیمَ کنین

و نیمی تئی عذرءُ سلاح

زرّان په شاهیم بهر کنین

نیمش من په حارانءَ بران

چیزئ جَنءِ مهر ءَ دیان

چیزی من براتانی شلوار کنان

چیزی اسپانی تاچینءَ کنان

قنبر جواب گردینتگَت

زانان که بندیگ انت تئی

بلی، هونُ رگ انت هپت پشتگی

منی دیل ءَ گندی حَستَگ ءَ

هونان بریچی مستگ ءَ

گُرا ،منی ،بندان بری تو بستگا

توار کیت بلوچانی وهلهار

میر قنبرُ سبزین سگار

جنگَ وکنی ،گون تو حِلار

زالَ کت اِنت ماتُ گهار

نئی ، درستان بوارتَگ هم جن طلاق

تیران که جکسینتَگ دگار

تیر شور و ان کرت انت شکار

کُرتی گچین نون بورسوار

وتیران که جکسینتَگ دگار

گیشتِر حرام وار بنت قطار

نی ، هوری په پرمان حدا

گورتی همی جنگ ءِ سرا

پرزُ پلیتگ هم مرتَگنت

حشکین تپنگ پشت کپتگ انت

توار کت بلوچین هم هلهار

زحمی کن ءُ دستءَ مدار

پاد اتکَگنت منی لهری مزار

زحمی دو دستیگ ءَ جتَگ

چو اوژناگری اوژناگ کتگ

مهراب لنگَ سار کتگ

هشتصد نهنگی گار کتگ

مهراب لنگ در شُتگ

یک کندگی پشتی کُتگ

سی مرد دِگه دَر اتک

ای سی اینان هم چهر مرد جَتَگ

می دیمَ نداراَنت ای کوندلی

ایش ور اِنت مار پری

دَنّان تچاننت چه هر گوری

و تیری په پرمهن حدا

سِستَه هما جنپِ بن ءَ

لگِت منی میرِ ءِ دلءَ

نی برجی هون رتکه کون دل ءَ

جانان بله، بنگان هلو هالو کنِت

و میر قنبر ءَ سالونک کنِت

و میر قنبر ءِ زحم ءِ توار

دهلی شُتگ دان کندهار

یک بیگاهَ گواتَ سر کُتَگ

منی پنجَ کپرَّگ مان کُتَگ

هما روباهُ دالان پل کُتَگ

بله ، شیرازی ای لشکر ءِ سودا گران

گوننت گشوکین شاعران

[ شنبه ٢٠ فروردین ۱۳٩٠ ] [ ٧:٢٥ ‎ق.ظ ] [ عادل قنبرزهی ]
.: Weblog Themes By Iran Skin :.

درباره وبلاگ

امکانات وب
قرآن آنلاین

,,

اسما خداوند متعال