براسانی دیوانجاه
این وبلاگ هیچ گونه گرایش سیاسی نداشته و یک مکان آزاد می باشد (شعر ، داستان ، عکس ، مطلب و مقاله (بلوچی و فارسی)) . 
نويسندگان

داں کدی وار ءُ  داں کدی  بےوار جهد بکن

       داں کدی گار ءُ   داں کدی  گمسار  جهد بکن

اے تئی حال  ءُ  اے تئی  روچ   ورنا  بلوچ

       هشتری   پیما   کشّگۓ   بےگار  جهد بکن

روچ مدام واب ءُ   شپ  برا محفل  بی وتین

       داں کدی  بارین  نشتگۓ  بےکار  جهد بکن


لوگ  تئی  حالیگن  چه  یک  کلدار  جهد بکن

 لهته یا   گندے   نا د راهنت  چه  سیری یا

        بے  وراکی ّ یا    کپتگۓ  بیمّار  جهد بکن

ماشینان گندے بیست وپنچ ملّون گیش ءُ  کمّ

حَر  تئی  باراِنت  ڈ ولک ءُ  گیژدار  جهد بکن

.

.

 شیرکنین حُرما گر مَبیت  پهک ءُ چَلّ  ءُ  پون

      تُرُشپ  بیت  تامی  آحرءَ  رجد ار  جهد بکن

آپ  زلالین  هم،  چوں  بمانیت  یک  جاگهے

        شونزوکی جنت ءُ  سارکِن و بودار جهد بکن

گل شنین   بلڈ ینگ ءَ   اگر   بنیا دے   مبیت

       رُمب کنت  روچۓ  هنچوکه  آوار  جهد بکن

عد ه ئے  نال اَنت  چه  دگه  کَومانی   سَرا

کن  وتی  تدبیر  گون  وتی  کردار  جهد بکن

نالگ ءُ  پریاد  تئی  نبنت  درمان  هچ  وڈ ا

       ٹپّ  ترا مان اِنت  اِش وتی کاٹار جهد بکن

هے گوشنت لهته  حک مئی  بوتگ  پالگت

       حّک نبیت ضایع  گر ببئی  حک دار جهد بکن

اَے   بلوچستانی   یلین   ورنا   گوش   بدار

       سار بکن  یکدَم  داں کدی  بےسار جهد بکن

.

.

گوشتگون ساری  پَشت نکِنزان  من گپ وتی

      درد نبنت  درمان  داں مبۓ  بیدار جهد بکن

چست بکن  گام ءُ  بُرز بدار  نام ءَ   اَے بلوچ

       تئی  پت ءُ  پیرُ ک  بوتگِنت نامدار جهد بکن

رهسرا  بازنت  کنڈگ و چیلّ  و سنگ و ڈوک

       گون  تئی  همّت  کوهَ  بنت هموار  جهد بکن

کمّکے  همّت   لیٹ  دَ نت   چَرک  ءُ   باریگا

       لانچ بجَن آسینگ ماں بچِن  شلوار جهد بکن

جهل  و  نادانی   مئے  شمئے   ٹوهین   آپتِن

       عالِمۓ  حّکان  کس  نه کنت انکار جهد بکن

وانگ ءُ  زانگ   ذ مّه اِنت  هر  مرد  و  جنۓ

       راحتین  کاراں  هچ  مزان  دشوار  جهد بکن

کار  بگِر   مجگ  ءُ   دانشے   پاکاری  بزیر

       بے  سواتییّا   وت   بکن   نا کا ر   جهد بکن

 بوان وتی  درساں  دئیم  په  دانشگاه ءَ  برو

       پَد  بجَن  حکّان  واضح  و آشکار  جهد بکن

.

.


بے نپین  گالان  پر  کیا  گواری  اَے  امین

       ماں   دلا   اومان  ءُ    سرا   اوپار  جهد بکن

 


 

نوشته شده توسط محمدامین

[ چهارشنبه ٤ خرداد ۱۳٩٠ ] [ ٦:٢۸ ‎ق.ظ ] [ عادل قنبرزهی ]
.: Weblog Themes By Iran Skin :.

درباره وبلاگ

امکانات وب
قرآن آنلاین

,,

اسما خداوند متعال